Hiamayahaungitunik Naunaitkutiit

Nunavut Kavaman havakhimaanginaqtun tunihimaagianganik pullagtunut talvuuna qaritauyakkut qinniqhiaviinik taima pittiaqaqtun hiamitiqtukhaungitunik. Hamna manguyauyaq naunaipkaktitihunguyuq maliktakhainik atuqhimaaqtaingitlu Nunavut Kavaman Qaritauyaniituni qinniqhiviitni.

• Nunavut Kavaman Qaritauyaniituni qinniqhiviit piqangituq qillaminuaq katitigiyuitun nanminigiyangnik naunairutingnik ilingnit, taima atiqnik, hivayautit nampanga, qaritauyakkut titiravitluuniit. Taima pigiaqaqtugut ukuninga naunairutingnik taima tuniyagiigungni ukuat naunairutiit taima tuyuguvit uvaptingnut qaritauyakkut taimaluuniit titirayagiikhimaligumik munagiyauhimayunut qinniqhiaviptingni.
• Nanminigiyait naunairutiit havagiikhimayut, tigumiaqtauhimayut pukutauhimayutluuniit uvani havakvingmi munagiyauhimayut ataani talvani Nunavut Pigiaqaqtun Naunairutingnik Munagiyauhimayutlu Hiamitiqtukhaungitun Maligaqni. Taima naunairutiqaqtuq kitumitlu pukuktauhimayut apigiyauniaqtutin naunairutikhaqnik piyanganik nanminigiyangnik naunairutingnik, ilitugipkaktauniaqtutinlu hulitjutikhat taima pukuktauniaqtun qanurlu atugianganik piutigiyainik pigiangani tapkuat naunairutiit.
• Nunavut Kavaman havaktiqaqtun havaktikhaqnik qaritauyaqnut pinahuagutikhaqnik munagiyanganik aulayunik ilitariyanganik itukhaungitunik qaritauyaqmi allanguqtitiyanganik naunairutiit, taima aihiguqtitinaitumik. Una hanaqitjutikhaq pihimaaqtuq iliugaihimaaqtuqlu Qaritayangit Atuqtautjutiit nayugaingitlu qaritauyaliqiyut uvaptingnut Qaritauyaniitun Qinniqhiaptingnut , ubluk ikaakningitlu minnguikviitlu pullaghimayait. Havakhimaayuitugut katitiqatigiyanganik umunga pullagtuq qinniqhiaviptingnut kihiani aihiguqtinahuagaigumi talvattuaq huliniaqtugut.
• Nunavut Kavaman atuluayuitun “naunaitkutingnik” naunaiyaiyanganik qanuq pullaaqtun atuqpaktaingit qinniqhiatjutivut naunaiyaiyayuitugutlu kitut pullaqattaqpaktaingit qinniqhiaviit. Taima naunaitkutiit atugumik taima naunaitkutiqaguvit naunairutingnik talvani qinniqhiatjutingni ilitugipkaktauniaqtutin taima naunaitkutiit atuqtautinanik taima atugumangitkupkit atugiaqangitakkit. (Tamna “naunaitkutiit” tutquqviuyuq liugaqtauhimayuq talvani qaritauyangni taima ilihimagiyaungitumik talvanga Qaritauyat Qinniqhiaqviit atugianganik munagiyanganik atuqtakkit talvuunga qinniqhiavingmut.
• Nunavut Kavaman havaktiit naunaiyaiyumayut naunairutiit taima kiuyanganik piumayauyut munagiyanganiklu munagitjutikhat uvani qaritauyaqmi atugiaqaqtun naunairutiit kitunikliqaaq pullaaqtun qinniqhiaviptingnut. Avaqatigiihimaaqpaktugut naunairutingnik aituqtangnik uvaptingnut allanin kavaman havakviani taima piumayat aulagumi tamna havakvik. Atuyuitavut naunairutiit aulatitiyanganik inuit kitungnut naunairutianut, taimalu hiamitiukhaungitugut ukuat naunairutiit kinamunlikiak havangitun kanatami kavamatuqangani.
• Apiqutiit ihumagiyauyutlu talvunattiaq una atuqtakhanut naunairutiit, titiqiqinikkutluuniit Nunavut Pigiaqaqtun Naunairutingnik Munagiyauhimayutlu Hiamitiqtukhaungitun Maligaqni talvani Nunavut Kavamanmi atuquyauqtaaqtun talvunga qaritauyaliqivingmut:

Naunaiyagiikhimayunik Hiamitiqtukhaungituniklu Kamisina Nunavunmi
5018, 47th street
Yellowknife, Northwest Territories X1A 2N2
Hivayauta: (867) 669-0976
Kayumiktukkut: (867) 920-2511
Qaritauyakkut: atippcomm@theedge.ca